Təxminən 35% müəllim 2024-2025-ci tədris ilində 1000 manat və daha yuxarı əməkhaqqı alacaq.
APA xəbər verir ki, bunu elm və təhsil naziri Emin Əmrullayev ADA Universitetində "Sertifikatlaşdırma 2024: peşəkar müəllim - keyfiyyətli təhsil" mövzusunda keçirilən tədbirdə çıxışı zamanı deyib.
Həmçinin elm və təhsil naziri bildirib ki, təhsilverənlərin sertifikatlaşdırılması nəticəsində 55 mindən çox müəllimin əməkhaqqına əlavə alacağı proqnozlaşdırılır. Əməkhaqqına 35% əlavə alacaq müəllimlərin sayının isə təxminən 17,5 min nəfərə yüksələcəyi gözlənilir.
Nazir, həmçinin əlavə edib ki, 2024-2025-ci tədris ilində 30.286 müəllim 500 manata qədər, 56.195 nəfər 500-1000, 35.909 nəfər 1000-1500 manat, 9000 nəfər 1500-2000 manat, 957 nəfər isə 2000 manat və daha artıq əməkhaqqı alacaq.