Bakı. Fərid Mirzəyev – APA. Azərbaycanda yanar şistlərdən alternativ-yanacaq enerji resurslarının əldə edilməsi ilə bağlı layihə hazırlanıb. Azərbaycan Milli Elmlər Akademiyasının (AMEA) Geologiya və Geofizika İnstitutunun Palçıq vulkanizmi şöbəsinin müdiri Adil Əliyev APA-ya deyib ki, xarici ölkələrdə yanar şistlərdən neft, nadir elementləri əldə edilir: “Məsələn, Estoniyanın neft-qazı yoxdur. Orada uzun illərdir ki, şistlərdən qaz, Rusiyada isə şistlərdən gübrə alırlar. Çində yanar şistlərdən 45-ə qədər məhsul hazırlayırlar. Halbuki bizim yanar şistlərimizin keyfiyyəti Çindəkindən qat-qat yüksəkdir”.
Şöbə müdiri qeyd edib ki, Azərbaycan neft-qaz ölkəsi olduğu üçün hazırda buna o qədər də tələbat olmasa da, gələcəkdə ehtiyac yaranacaq.