Göyçay. Elvin Yaqubov-APA. Göyçay rayonunda fərdi yaşayış evində yanğın hadisəsi baş verib, bir nəfər yanıq xəsarəti alıb. APA-nın yerli bürosunun xəbərinə görə, hadisə bu gün saat 17:30 radələrində rayonun Qarabağlar kəndində qeydə alınıb. Kənd sakini 1975-ci il təvəllüdlü Məmmədov Şamo Fərman oğluna məxsus ümumi sahəsi 48 kvadratmetr olan 2 otaqlı mənzildə baş verən yanğının söndürülməsi üçün əraziyə FHN-nin iki yanğınsöndürən maşını və canlı qüvvəsi cəlb olunub. Məlumata görə mənzilin mətbəxində həcmi 5 litr olan məişət qaz balonunun alışması evdə yanğına səbəb olub. Hadisə zamanı ev içindəki məişət əşyaları ilə birgə tamamilə yanaraq yararsız hala düşüb. Hadisə zaman ev sahibin həyat yoldaşı, 1981-ci il təvəllüdlü Əliyeva Elnarə Xudayar qızı yanıq xəsarətləri alaraq Göyçay Mərkəzi rayon Xəstəxanasına yerləşdirilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
