Bakı. Kəmalə Quliyeva - APA. 2012-2013-cü tədris ili üçün Azərbaycanın orta məktəblərində mərkəzləşmiş buraxılış imtahanları ilə bağlı qaydalar bu həftə təsdiq olunacaq. Bu barədə APA-ya Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib.
Onun sözlərinə görə, qaydaların bu həftə Nazirlər Kabineti tərəfindən təsdiq olunacağı gözlənilir. TQDK sədri deyib ki, bu həftə “Abituriyent” jurnalının 1-ci sayının təqdimatı keçiriləcək. Qaydalar orada elan olunacaq.