Bakı. Hafiz Heydərov - APA. Bakıda orta məktəbdən oğurluq edilib.
Bakı Şəhər Baş Polis İdarəsindən APA-ya verilən məlumata görə, aprelin 2-nə keçən gecə, Ramana qəsəbəsi Şuşa şəhərciyi Malıbəyli kənd 1 nömrəli orta məktəbdən pəncərənin şüşəsi sındırılmaqla 5 ədəd monitor və 13 ədəd prosessor oğurlanıb.
Sabunçu Rayon Polis İdarəsinin 12-ci Polis Bölməsi əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakinləri Rəhim Tanrıverdiyev və Pərvin Çərkəzov tutulublar.