Bakı-APA. Milli Məclisin (MM) deputatı Novruz Aslanov mayın 29-da seçiciləri ilə görüşmək məqsədilə İsmayıllı rayonuna səfər edib.
Deputatın qərargahından APA-ya verilən məlumata görə, həmişə olduğu kimi bu dəfə də deputat hər bir seçicini fərdi qaydada qəbul edib, onları dinləyib. Qaldırılan məsələlər əsasən sosial yönümlü olub. Ayrı-ayrı sakinlər şəxsi məişət problemləri barədə də millət vəkilinə müraciət ediblər. Bəzi məsələlər yerindəcə həll edilib. Deputat bir neçə məsələ ilə bağlı müvafiq addımların atılacağını bildirib.
Qeyd olunub ki, seçicilərlə mütəmadi olaraq görüşlərin keçirilməsi, onları hər həftə qəbul etmək deputat Novruz Aslanovun əsas fəaliyyət istiqamətlərindən biridir. Hər həftə bu məqsədlə İsmayıllı rayonuna mütəmadi olaraq səfərlər edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
