Bakı-APA. Fövqəladə Hallar Nazirliyi (FHN) oktyabrın 1-də Qubada yaşayış evində baş vermiş partlayışla bağlı məlumat yayıb. APA-nın FHN-in saytına istinadən verdiyi xəbərə görə, yanğınla nəticələnən partlayış Quba şəhərində vətəndaşa məxsus ümumi sahəsi 72 kv.m olan 3 otaqlı mənzildə baş verib. Nəticədə mənzildə 2 ədəd pəncərə çərçivələri yerindən çıxaraq həyətə düşüb. Mənzilin yataq otağında 1 ədəd çarpayı və yataq dəsti yanıb. Mənzil yanğından mühafizə olunub.
Yanğın yanğınsöndürənlər tərəfindən söndürülüb.
Qeyd edək ki, APA-nın verdiyi xəbərə görə, ötən gün axşam saatlarında Qubada yaşayış evində partlayış baş verib.
APA-nın şimal bürosunun verdiyi məlumata görə, partlayış Quba şəhəri, M.Qorki küçəsi bina 24, mənzil 18-də qeydə alınıb.
Partlayış nəticəsində Quba rayon Polis Şöbəsinin Dövlət Yol Polisi Bölməsinin əməkdaşı Elmar Umudov müxtəlif bədən xəsarətləri alaraq Quba Mərkəzi Xəstəxanasına yerləşdirilib. Onun vəziyyəti orta-ağırdır.
Hadisənin qaz sızmasından baş verdiyi ehtimal olunur. Faktla bağlı araşdırmalar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
