Bakı. Könül Kamilqızı – APA. Son günlər Bakıda qeydə alınan isti hava şəraiti təcili yardım stansiyasına daxil olan müraciətlərin sayının artmasına ciddi təsir etməyib. Bu barədə APA-ya açıqlamasında Bakı şəhər Təcili və Təxirəsalınmaz Tibbi Yadım Stansiyasının baş həkimi Mürsəl Həmidov deyib. O bildirib ki, hər zaman olduğu kimi son zamanlar da stansiyaya bir gündə 1400-1500 müraciət daxil olub. Baş həkimin sözlərinə görə, hələlik havalar çox isti olmadığından ciddi bir hal qeydə alınmayıb.
Bu ilin 5 ayı ərzində daxil olan müraciətlərinin sayını ötən ilin müvafiq dövrü ilə müqayisə edən M. Həmidov qeyd edib ki, yalnız yanvar - fevral aylarında çağırışların sayında ciddi artım olub: “Həmin dövrdə müraciətlərin sayı ötən ilin 2 ayı ilə müqayisədə 20-25 faiz artmışdı. Amma fevralın sonlarında müraciətlərin sayı yenidən normaya düşüb və son 3 ayda onların sayı ötən illə müqayisədə bərabərləşib”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
