Bakı-APA. Ukrayna prezidenti Pyotr Poroşenko sabiq dövlət başçısı Viktor Yanukoviçin barəsində qiyabi məhkəmə keçirilməsinə dair qanun imzalayıb.
APA-nın “Gazeta.ru”-ya istinadən verdiyi xəbərə görə, bunu Ukrayna lideri özünün Twitter səhifəsində yazıb.
“Yanukoviç barəsində qiyabi məhkəmənin keçirilməsini mümkün edən qanun imzaladım”, məlumatda deyilir.
Yanukoviçə qarşı vəzifədən sui-istifadə maddəsi ilə cinayət işi qaldırılıb.