Bakı. Musa Əhmədov – APA-Economics. Bu gün 11:00-dan saat 17:00-dək Heydər Əliyev prospektinin “Sabunçu” yol qovşağından “Hava limanı” yol qovşağınadək olan yolda nəqliyyat vasitələrinin hərəkəti hissə-hissə qismən məhdudlaşdırılacaq.
Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, məhdudlaşdırma bu yolun hərəkət hissəsində üfüqi nişanlanma xətlərinin rənglənməsi işlərinin aparılması ilə əlaqədardır.
Nəqliyyat Nazirliyi “Azəryolservis” ASC sürücülərdən görülən işlərə anlayışla yanaşmalarını xahiş edir.