Bakı. Ağa Cəfərli - APA. Qətl törətdiyinə görə İnterpol vasitəsilə axtarışda olan erməni Mərakeşdə tutulub. APA-nın news.am saytına istinadən verdiyi məlumata görə, tutulan 48 yaşlı Gevork X. Fransa vətəndaşı olan 78 yaşlı qadını öldürməkdə günahlandırılır.
Qətl hadisəsi 2011-ci ildə Ermənistanda törədilib. Monik Harley adlı fransız qadın ölkəsindən Ermənistana gələndən bir müddət sonra öldürülüb. İstintaqla məlum olub ki, Gevork X. qətli törədəndən sonra qadının bank kartlarını oğurlayıb. 2012-ci ilin yanvarında isə Mərakeşə gedərək Monik Harleyin oradakı evində yaşamağa başlayıb.
İnterpolla axtarışa verilən Gevork X. Mərakeşdə tutularaq, Ermənistana gətirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
