Bakı. Aqşin Rafiqoğlu - APA-Economics. Ötən il Azərbaycan Dövlət Neft Şirkətinin (ARDNŞ) neft satışından əldə etdiyi gəlirləri 25 mlrd. 319 mln. manat təşkil edib.
“APA-Economics”in məlumatına görə, bu barədə ARDNŞ-in 2013-cü ilin beynəlxalq maliyyə hesabatları standartlarına uyğun konsolidasiya edilmiş maliyyə hesabatlarında deyilir.
Bu, 2012-ci ilin göstəricisi ilə müqayisədə 2,5% çoxdur.
Ötən il şirkətin neft məhsullarının satışından əldə etdiyi gəlirin həcmi də 2,7 dəfə artaraq 8 mlrd. 951 mln. manat olub. Bu müddətdə ARDNŞ-in neft-kimya məhsullarının satışından əldə etdiyi gəlir isə 8,7% azalaraq 1 mlrd. 854 mln. manat təşkil edib.
Bu arada, ötən il ARDNŞ təbii qaz satışından 1,4 mlrd. manat gəlir əldə edib. Bu, 2012-ci ilin göstəriciləri ilə müqayisədə 26,4% artım deməkdir. Şirkət digər gəlir mənbələrindən 900 mln. manat əldə edib ki, bu da daha əvvəlki illə müqayisədə 62,9% çoxdur.
Qeyd edək ki, 2013-cü ildə ARDNŞ-in əldə etdiyi ümumi gəlirləri həcmi 38 mlrd. 433 mln. manat olub. Bu da 2012-ci ilin göstəricisi ilə müqayisədə 2,2 dəfə çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
