Mazandaran. Elvin Bayramlı-APA. İranın Mazandaran əyalətində fəaliyyət göstərən “Cuybar” boru və profil zavodu 2015-ci ildə Azərbaycan bazarına daxil olmaq üçün özünə tərəfdaş axtarır. APA-nın məlumatına görə, bunu zavodun direktoru Yarəli Rzaian Cuybar şəhərində səfərdə olan azərbaycanlı jurnalistlərə söyləyib.
Y. Rzaianın sözlərinə görə, zavod rəhbərliyi Azərbaycandakı vəziyyəti öyrənir. Onlar zavodda istehsal olunan məhsulları Azərbaycanda keçiriləcək inşaat materialları sərgisində nümayiş etdirmək istəyirlər.
Y. Rzaian bildirib ki, zavodun məhsulları əsasən, İraq, Əfqanıstan, Tacikistan, Özbəkistan, Ermənistan və Gürcüstana ixrac olunur.
Azərbaycanlı jurnalistlər Cuybar şəhərində kisə istehsalı edən "Keşavərz" şirkətində də olublar. Bu şirkət ötən il Azərbaycana 100 ton kisə ixrac edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
