Lənkəran. Ağəddin Babayev – APA. Lənkəranda bir nəfərin xəsarət alması ilə nəticələnən yol-nəqliyyat hadisəsi baş verib.
APA-nın cənub bürosunun məlumatına görə, sentyabrın 30-da günorta saatlarında Şəhidlər Xiyabanında Lənkəran şəhər sakini Ruslan Həsənovun idarə etdiyi “VAZ-21099” markalı, 10 CE 055 dövlət nömrə nişanlı minik avtomobili sürücüsünün şəxsiyyəti hələlik məlum olmayan “VAZ-2107” markalı, 10 EO 036 dövlət nömrə nişanlı minik avtomobili ilə toqquşub. Güclü zərbədən “VAZ-21099”-un sürücüsü Ruslan Həsənov müxtəlif dərəcəli bədən xəsarətləri ilə Lənkəran Mərkəzi Rayon Xəstəxanasına yerləşdirilib.
Hər iki nəqliyyat vasitəsinə ciddi ziyan dəyib.
Faktla bağlı araşdırma aparılır.