Bakı. Musa Əhmədov - APA-Economics. 2016-cı ilin mart ayında Azərbaycanın qiymətli kağızlar bazarında (repo əməliyyatlar bazarı istisna olmaqla) brokerlərin renkinqinə göstərilən xidmətlərin həcminə görə "Unicapital İnvestisiya Şirkəti" ASC başçılıq edib.
Bakı Fond Birjasından “APA-Economics”ə verilən məlumata görə, şirkət ümumi dəyəri 35 mln. 058 min 297,20 manat olan broker xidmətləri göstərib. Bununla da, artıq ikinci aydır ki, "Unicapital İnvestisiya Şirkəti" brokerlərin renkinqinə başçılıq edir.
İkinci yeri ümumi həcmi 18 mln. 595,130 min manat olan broker xidmətləri göstərmiş "AzFinance İnvestisiya Şirkəti" QSC şirkəti tutub. Renkinqdə üçüncü yerdə 4 mln. 7 min 925,96 manatla "Paşa Kapital" MMC, 4-cü yerdə 3 mln. 861 min 309,4 manatla “Kapital Menecment İnvestisiya Şirkəti” ASC qərarlaşıb.
Brokerlərin mart ayı üçün renkinqi:
2016-cü il Mart ayı üzrə BFB-nin DQK və KQK bazarı sektorunda (repo əməliyyatlar istisna olaraq) göstərilmiş xidmətlərin həcminə görə brokerlərin renkinqi
Xidmətlərin həcminə görə cari yeri |
Xidmətlərin həcminə görə əvvəlki yeri |
Brokerlər |
Əməliyyatların həcmi (AZN) |
1 |
1 |
"Unicapital İnvestisiya Şirkəti" ASC |
35058297.20 |
2 |
3 |
"AzFinance İnvestisiya Şirkəti" QSC |
18595129.68 |
3 |
- |
“Paşa Kapital” MMC |
4007925.96 |
4 |
4 |
Kapital Menecment İnvestisiya Şirkəti ASC |
3861309.4 |
Qeyd: DQK – dövlət qiymətli kağızlar; KQK – korporativ qiymətli kağızlar