Bakı. Məlahət Nəcəfova - APA. Gələn ilin oktyabr ayından Avropa İttifaqı Türkiyə ilə viza rejimini ləğv edəcək.
APA-nın “Milliyet”ə istinadən verdiyi məlumata görə, bu barədə bazar günü keçirilən Aİ-Türkiyə zirvə görüşündə qərar qəbul olunub. Türkiyənin Aİ tərəfindən 2012-ci ildə irəli sürdüyü 79 öhdəliyin yerinə yetirilməsi şərti ilə bu qərar təsdiqini tapacaq. Bundan başqa, görüşdə ildə 2 dəfə zirvə toplantısının keçirilməsi qərara alınıb.
Aİ-nin suriyalı mühacirlərlə bağlı ilkin olaraq Türkiyəyə 3 milyard avro yardım edəcəyi də açıqlanıb. Lakin bu məbləğin hansı müddətdə veriləcəyi göstərilməyib.
Xatırladaq ki, 29 noyabrdakı sammit son 11 ildə ilk Aİ ilə Türkiyə arasında ilk zirvə toplantısı olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
