Sabirabad. Əlibəy Zeynallı-APA. Sabirabadda bıçaqlanma hadisəsi baş verib.
APA-nın Mil-Muğan bürosunun məlumatına görə, hadisə səhər saatlarında rayonun Muğangəncəli kəndində qeydə alınıb.
Həmin kəndin sakini, 1998-ci il təvəllüdlü Mirzəyev Dəyanət Habil oğlu aralarında yaranmış mübahisə zəminində Güdəcühür kənd sakini, 1990-cı il təvəllüdlü Samir Əliqiyas oğlu Hüseynovu bıçaqlayıb. Yaralı sol böyrünün kəsilmiş-deşilmiş yarası diaqnozu ilə Salyan Rayon Mərkəzi Xəstəxanasına yerləşdirlib və cərrahiyə əməliyyatına götürülüb. Cinayəti törədən şəxs polis tərəfindən saxlanılıb.
Faktla bağlı Sabirabad Rayon Polis Şöbəsində (RPŞ) cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
