Bu gün Bakı Ağır Cinayətlər Məhkəməsində qətldə təqsirləndirilən Nəsrullah Zaqidulinin cinayət işi üzrə məhkəmə prosesi başa çatıb.
APA-nın xəbərinə görə, hakim Mahmud Ağalarovun sədrliyi ilə keçirilən prosesdə hökm oxunub.
Hökmə əsasən N. Zaqidulin 11 il müddətinə azadlıqdan məhrum edilib.
İttihama görə, 1963-cü il təvəllüdlü Bakı şəhər sakini, dəfələrlə məhkum olunmuş və 27 il həbsdə olmuş Nəsrullah Zaqidulin münaqişə zəminində 1982-ci il təvəllüdlü İqor Smolenkonu döyüb. Xəstəxanaya yerləşdirilən İ. Smolenko orada ölüb.
Hadisəni törədən N. Zaqidulin tutulub.