Xəzər Rayon Məhkəməsində 93 ədəd qaz sayğacını oğurlamaqda təqsirləndirilən Əliyev Mahir Vüqar oğlu və Hüseynov Elçin Böyükağa oğlunun cinayət işi üzrə məhkəmə başa çatıb.
APA-nın məlumatına görə, prosesdə hökm oxunub.
Hökmə əsasən hər iki şəxs 3 il müddətinə azadlıqdan məhrum edilib.
Qeyd edək ki, adıçəkilən şəxslər 2018-2019-cu illərdə Xəzər rayonunun Qala, Şüvəlan və Türkan qəsəbələrində ayrı-ayrı ünvanlarda vətəndaşlara məxsus fərdi yaşayış evlərinə quraşdırılmış 93 ədəd qaz sayğacını oğurlayıblar.