Bakı. Könül Kamilqızı – APA. Tələbə Qəbulu üzrə Dövlət Komissiyası (TQDK) “Magistr” jurnalının beşinci sayını çap edib.
TQDK-nın mətbuat xidmətindən APA-ya verilən xəbərə görə, jurnalda 2014/2015-ci tədris ili üçün ali təhsil müəssisələrinin magistraturalarına Azərbaycan və rus bölmələrindən qəbul olanların siyahısı, ixtisaslaşmalar üzrə minimal keçid balları, o cümlədən dövlət sifarişi üzrə müsabiqə nəticəsində formalaşmış keçid balları və digər zəruri məlumatlar əks olunub.
Jurnalı TQDK-nın binası qarşısındakı "Abituriyent" köşkündən almaq və ya www.abiturient.az saytından sifariş etmək olar.