Bakı. Etibar Məmmədov – APA. “Vurğun Əyyubun Müsavat Partiyasına bərpası ilə bağlı Binəqədi rayon təşkilatı Şurasının qərarı araşdırılır”.
Bunu APA-ya açıqlamasında Müsavat Partiyasının Mərkəzi İcra Aparatının rəhbəri Gülağa Aslanlı deyib. O bildirib ki, V. Əyyubla bağlı məsələ partiya müavinliyi tərəfindən araşdırılır və Nizamnaməyə uyğun qərar veriləcək: “Lazım gəlsə, bu məsələ Mərkəzi Nəzarət-Təftiş Komissiyasında da, Divanda da araşdırıla bilər. Hər şey partiyanın Nizamnaməsinə uyğun olacaq və burda başqa şey ola bilməz”.
Xatırladaq ki, mayın 19-da Müsavat Partiyasının Binəqədi rayon təşkilatının Şura iclası keçirilib. İclasda təşkilatın özəyinin Vurğun Əyyubun partiyadan çıxarılması ilə bağlı qərarı ləğv olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
