Xarici siyasət

Ana səhifə

Xarici siyasət

Azərbaycanın birinci xanımı Praqanın Dekorativ İncəsənət Muzeyi ilə tanış olub- FOTOSESSİYA

Azərbaycanın birinci xanımı Praqanın Dekorativ İncəsənət Muzeyi ilə tanış olub- <font color=red>FOTOSESSİYA</font>

06 aprel 2012 01:42 (UTC +04:00)

Bakı-APA. Azərbaycanın birinci xanımı Mehriban Əliyeva Praqanın Dekorativ İncəsənət Muzeyində olub.
APA-nın verdiyi xəbərə görə, Mehriban Əliyevaya məlumat verilib ki, muzeyin yerləşdiyi bina yeni intibah üslubunda inşa edilib. Tikintisi XIX əsrdə başa çatmış bina zəngin kompozisiyası ilə insanları valeh edir. Binanın özü və divarlardakı işləmələr insanı xəyalən qədim dövrlərə aparır. Muzeydə qədim vaxtlara və bu günə aid sənətkarlıq nümunələri qorunub saxlanılır.
Bildirilib ki, muzeydə ipəkçilik, toxuculuq, qrafika, fotoqrafiya, pulkəsmə və sair sahələri əhatə edən çoxsaylı bölmələr var. Bu bölmələrdə Çexiyanın ərazisində yaşayıb fəaliyyət göstərən tanınmış ustaların əl işləri toplanıb. Bu əl işləri ölkənin milli sərvəti kimi qorunur.
Çexiya mədəniyyətinin ən mühüm nümunələrinin toplandığı bu muzey buraya gələn turistlərdə ölkə haqqında geniş təəssürat yaratmaqla respublikanın malik olduğu maddi-mədəni dəyərləri də təqdim edir. Ümumiyyətlə, Praqanın əksər gözəl binaları kimi, bu muzey də şəhərin qədim hissəsində yerləşir. Lakin şəhərin müasir hissəsi də gözəlliyinə görə digər məhəllələrdən geri qalmır.