Top oyunları

Ana səhifə

Top oyunları

Avropanın ən güclü hücumçusu Azərbaycanda oynayır - STATİSTİKA

Avropanın ən güclü hücumçusu Azərbaycanda oynayır - <span style="color: red;">STATİSTİKA

29 yanvar 2016 08:43 (UTC +04:00)

Bakı – APA. Qadın voleybolçular arasında Çempionlar Liqasının qrup mərhələsinin statistik göstəriciləri açıqlanıb. Apasport.az saytının məlumatına görə, qitənin ən mötəbər klub turnirində “Telekom”, “Lokomotiv” və “Azərreyl”lə təmsil olunan Azərbaycan klublarının heyətində ən yaxşı göstərici yenə Aneta Havlikovaya məxsusdu.

Digər 2 komanda ilə müqayisədə pley-offa yüksələn “Lokomotiv”də çıxış edən Çexiya millisinin hücumçusu bombardirlər siyahısına başçılıq edir. Komandasının kapitanı 6 görüşün 22 setində 122 xal toplayıb. O, ən yaxın izləyicisi Natalya Obmoçayevanı (“Dinamo”, Moskva) cəmi 1 xal qabaqlayır. Lakin rusiyalı hücumçu təmsilçimizlə müqayisədə 3 hissə az meydanda olub.

Onunla yanaşı, ilk “onluq”da daha 3 voleybolçumuz yer alıb. Bunlar məhz qrup mərhələsindən sonra yarışa vida edən “Telekom”un üzvləri Ana Piriyeva (Kleger) və Yelizaveta Səmədova, həmçinin “Azərreyl”in blokçusu Cessika Consdu (Susan).

Qeyd edək ki, klublarımızın yerli voleybolçulara az güvənməsi sarıdan ilk “onluq”da yenə azərbaycanlı yer almayıb.

Ən çox xal toplayan

	Klubu	Oyun sayı	Set sayı	Topladığı xal
1. Aneta Havlikova	Lokomotiv (Azərbaycan)	6	22	122
2. Natalya Obmoçayeva	Dinamo (Moskva, Rusiya)	6	19	121
3. Teresa Varqas	Agel (Çexiya)	6	21	117
...9. Ana Piriyeva (Kleger)	Telekom (Azərbaycan)	6	24	100

Ən yaxşı blokçular

	Klubu	Oyun sayı	Set sayı	Topladığı xal
1. Lauren Gibbemeyer	Kasalmaqqiore (İtaliya)	6	26	29
2. Maya Polyak	Əczaçıbaşı (Türkiyə)	6	25	25
3. İvana Plçotova	Alba (Rumıniya)	7	27	25
...7. Cessika Cons (Susan)	Azərreyl (Azərbaycan)	6	20	20

Ən yaxşı top qəbul edənlər

	Klubu	Oyun sayı	Set sayı	Düzgün qəbul (faizlə)
1. Karidad Matyenso	Agel (Çexiya)	4	12	42,62
2. Françeska Markon	Pyaçentsa (İtaliya)	6	21	42,37
3. Elitsa Vasileva	Dinamo (Kazan, Rusiya)	5	17	40,31

Topu oyuna ən yaxşı daxil edənlər

	Klubu	Oyun sayı	Set sayı	Topladığı xal
1. Adina Salaoru	Alba (Rumıniya)	6	22	14
2. Miçel Bartş	Dresdner (Almaniya)	6	24	14
3. Klaudia Kajorovska	Atom (Polşa)	6	16	13
...10. Yelizaveta Səmədova	Telekom (Azərbaycan)	6	24	9

Ən yaxşı toppaylayıcılar

	Klubu	Oyun sayı	Set sayı	Əla ötürmə (faizlə)
1. Fabiola Alves	Volero (İsveçrə)	3	6	62,96
2. Ezgi Dılik	Fənərbaxça (Türkiyə)	4	8	58,33
3. Naz Aydəmir	Vakıfbank (Türkiyə)	5	16	52,59