Samuxda bir nəfərin xəsarət alması ilə nəticələnən yol-nəqliyyat hadisəsi baş verib. APA-nın qərb bürosunun verdiyi məlumata görə, hadisə rayonun İnstitut qəsəbəsində qeydə alınıb. “VAZ 2107” və “VAZ 2106” markalı iki avtomobilin toqquşması nəticəsində bir nəfər xəsarət alıb. Ona tibbi yardım göstərilib, vəziyyətinin normal olduğu bildirilir.
Faktla bağlı hüquq-mühafizə orqanları tərəfindən araşdırma aparılır.