Bakı – APA. Azərbaycan Respublikasının iqamətgahı Cənubi Afrika Respublikasının Pretoriya şəhərində yerləşən səfiri Elxan Poluxov öz etimadnaməsini Zimbabve prezidenti Robert Qabriel Muqabeyə (Rober Gabriel Mugabe) təqdim edib. Azərbaycanın CAR-dakı səfirliyindən APA-ya verilən xəbərə görə, E. Poluxov R. Q. Muqabeyə Azərbaycanın Zimbabvedə ilk səfiri olmasından məmnunluğunu bildirərək fəaliyyəti dövründə iki ölkə arasında əlaqələrin inkişaf etdirilməsinə dair bütün imkanlardan istifadə edəcəyini söyləyib.
Azərbaycanın Zimbabve ilə müxtəlif sahələrdə təcrübəsini bölüşməyə hər zaman hazır olduğunu nəzərə çatdıran səfir, bu prosesin qarşılıqlı olmasının zəruriliyini vurğulayıb.
R. Q. Muqabe isə prezident İlham Əliyevə öz səmimi salamlarını çatdırmağı xahiş edərək ölkələr arasında münasibətlərin bundan sonra daha sürətlə inkişaf edəcəyinə ümidvar olduğunu deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
