Bakı. Aynur. Əliyeva – APA-Economics. Xəzərin Azərbaycan sektorunda yerləşən «Günəşli» yatağında yeni quyu istismara verilib.
ARDNŞ-in mətbuat xidmətindən «APA-Economics»ə verilən məlumata görə, «Neft Daşları» Dəniz Qazma İşləri İdarəsi tərəfindən Fasilə Lay Dəstəsinə qazılan quyu 2 967-2 936 metr intervaldan sutkalıq 70 ton neft və 10 min kubmetr qaz hasilatı ilə istismar fonduna qəbul edilib.
Qeyd edək ki, quyu ARDNŞ-in «28 May» adına NQÇİ-nin sifarişi ilə qazılıb.