Bakı. Aynur Əliyeva – APA-Economics. Rusiyanın «VIM-Avia» şirkəti Sankt-Peterburq-Qəbələ marşrutu ilə birbaşa aviareyslərə başlayır. Bu barədə «APA-Economics»ə «Azərbaycan Hava Yolları» QSC-nin (AZAL) xidmət rəisi Məhərrəm Səfərli məlumat verib.
Onun sözlərinə görə, Sankt-Peterburq - Qəbələ marşrutu ilə ilk aviareys sentyabrın 12-də yerinə yetiriləcək və təyyarə Qəbələ hava limanına saat 12:00-da enəcək. Təyyarə elə həmin gün Sankt-Peterburq istiqamətində yola salınacaq.
Qeyd edək ki, hazırda Azərbaycanın bölgələrində yerləşən hava limanlarından bir sıra beynəlxalq aviareyslər həyata keçirilir. Belə ki, Naxçıvandan İstanbul və Moskva, Gəncədən İstanbul, Novosibirsk, Sankt-Peterburq və Moskva, Lənkərandan isə Surqut, Moskva və Sankt-Peterburq şəhərlərinə birbaşa uçuşlar yerinə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
