Bakı-APA. İspaniyada uşaqlardan ibarət futbol komandasını daşıyan avtobus qəzaya uğrayıb, nəticədə 5 yeniyetmə ölüb. APA-nın “Gazeta.ru”ya istinadən verdiyi xəbərə görə, avtobus ekskavatorla toqquşduqdan sonra aşıb. Faciə Badaxos əyalətində baş verib.
Məlumata görə, avtobusda 10-15 yaşlarında 15-dək uşaq olub.
Qəza nəticəsində 13 nəfər xəsarət alıb, onlardan 11-i xəstəxanaya yerləşdirilib. Xəsarət alanlardan 6-nın vəziyyətinin ağır olduğu bildirilir.