Bakı-APA. NATO ölkələri rəsmi Ankaranın xahişini nəzərə alaraq, Türkiyə ərazisində “Patriot” zenit-raket komplekslərinin qalma müddətini artırmağa hazırdır. APA-nın BBC-yə istinadən verdiyi məlumata görə, Türkiyə Suriyadan mümkün hava zərbələrindən ehtiyat edir.
2012-ci ilin noyabrında Suriya ilə sərhəddə yerləşən Akçakala şəhərində 5 nəfərin həyatına son qoymuş mərmi partlayışından sonra Türkiyə hökuməti NATO-ya müvafiq müraciət edib.
Noyabrın 13-də NATO-ya daxil olan ölkələrin daimi nümayəndələri Suriya-Türkiyə sərhədində vəziyyətin qeyri-sabit qaldığı qənaətə gəlib.