Bakı – APA. FİFA prezidentliyinə namizədlərin siyahısı rəsmən açıqlanıb. Apasport.az saytının məlumatına görə, ali futbol qurumu 7 şəxsin namizədliyini təsdiqləyib.
Bunlar UEFA prezidenti Mişel Platini, baş katib Canni İnfantino, İordaniya şahzadəsi Əli-Bin Əl-Hüseyin, Liberiya Futbol Federasiyasının prezidenti Musa Biliti, FİFA-nın sabiq baş katib köməkçisi Jerom Kampanye, Cənubi Afrikanın məşhur iş adamı Tokyo Sexvale və Asiya Futbol Konfederasiyasının prezidenti Şeyx Salman bin İbrahim Əl-Xəlifədi.
Braziliya futbolunun canlı əfsanəsi Artur Ziko və Trinidad və Tobaqo yığmasının sabiq kapitanı David Nakhid tələb olunan qədər dəstək toplaya bilmədikləri üçün namizədliyi geri götürmüşdülər.
Qeyd edək ki, FİFA-ya yeni rəhbər gələn il fevral ayının 26-da seçiləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
