Bakı – APA. “Neftçi” klubunun keçmiş hücumçusu Nikolas Kanalesin karyerasını Rusiya çempionatında davam etdirəcəyi dəqiqləşib. Apasport.az saytı xəbər verir ki, “Krılya Sovetov” çilili hücumçunun transferini tam həll edib.
Rusiya Futbol İttifaqı Samara təmsilçisinə Kanalesin və digər yeni transfer Georgi Loriyanın adlarını çempionatın sifariş ərizəsinə daxil etməsinə razılıq verib.
Rusiyada yay “transfer pəncərəsi” avqustun 31-dən sentyabrın 1-nə keçən gecə bağlanıb. Kanalesin keçidi gec rəsmiləşsə də, məlum olub ki, “Krılya Sovetov” klubunun rəhbərliyi ona görə tələb olunan sənədləri vaxtında RFİ-yə təqdim edib.
Qeyd edək ki, Kanales ötən mövsüm “Neftçi”nin heyətində Azərbaycan çempionatında 28 oyunda 11 qola imza atıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
