Bakı. Musa Əhmədov - APA-Economics. 2014-cü ildə ölkə üzrə ümumi daxili məhsul (ÜDM) istehsalının 59,0 mlrd. manat təşkil edəcək ki, bu da 3,6% real artım deməkdir.
“APA-Economics”in xəbərinə görə, bu barədə Maliyyə Nairliyinin açıqladığı 2015-ci ilin dövlət və icmal büdcələrinin təqdimatında bildirilir.
Layihədə qeyd olunub ki, neft sektoru üzrə ÜDM-in həcminin 2,2% az proqnozlaşdırılmasına baxmayaraq, qeyri-neft sektorunda 8,1% həddində artım gözlənilir.
Bu ilin sonunadək ÜDM-in strukturunda neft-qaz sənayesi istisna olmaqla, digər sahələrdə artım gözlənilir.
Gələn il isə ölkədə ÜDM istehsalının 4,4% artacağı və nominal dəyərinin 59,8 mlrd. manat təşkil edəcəyi gözlənilir. Proqnozlara görə, bunun 39,5 mlrd. manatlıq hissəsi qeyri-neft sektorunun payına düşəcək. 2014-cü illə müqayisədə qeyri-neft ÜDM-nin həcminin 8,2% artacağı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
