Gəncə. Azər Məmmədli – APA. Göygöl rayonunda bıçaqlanma hadisəsi baş verib. Göygöl rayon Polis Şöbəsindən APA-nın qərb bürosuna verilən məlumata görə, hadisə dünən rayon mərkəzində olan şadlıq sarayının qarşısında qeydə alınıb. Göygöl rayon sakini, 1987-ci il təvəllüdlü Zöhrab Həsənov şəxsi münasibətlər zəminində özündən 21 yaş böyük olan Gəncə şəhər sakini, 1968-ci il təvəllüdlü Xanlar Həsənovu bıçaqlayıb. Ağır bədən xəsarəti alan Z. Həsənov Gəncə şəhər Təcili Tibbi Yardım Xəstəxanasına yerləşdirilib. Onun vəziyyətinin ağır olduğu bildirilir.
Faktla bağlı cinayət işi açılıb, istintaq aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
