Bakı – APA. Quba rayonu ərazisində güclü külək fəsada səbəb olub. APA-nın FHN-in saytına istinadən verdiyi məlumata görə, Quba rayonu ərazisində, Quba-Xaçmaz magistral yolunda güclü külək əsməsi nəticəsində ağac aşaraq yolu qapadıb və vətəndaşa məxsus “Hyundai” markalı minik avtomobili idarəetməni itirərək həmin ağaca çırpılıb.
FHN-in müvafiq xilasetmə qüvvələri hadisə yerinə cəlb olunub. Əməliyyat şəraiti qiymətləndirilərkən məlum olub ki, avtomobilin sürücüsü xəsarət almayıb.
Xilasedicilər ərazidə müvafiq təhlükəsizlik tədbirləri görüb, yolun açılmasını təmin ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
