Bakı-APA. Avropa diplomatlarının Ukrayna prezidenti Viktor Yanukoviçlə görüşü gecə saatlarında davam edir, görüşdə müxalifət liderləri iştirak edir. APA-nın “RİA Novosti”yə istinadən verdiyi xəbərə görə, bu barədə Polşa XİN nümayəndəsi Marçin Voyçexovski “Twitter” mikrobloqunda bildirib.
“Prezident Viktor Yanukoviçlə danışıqlar davam etdirilir. Görüşdə müxalifət liderləri, parlament spikeri və bir neçə deputat iştirak edir”, deyə o bildirib.
Qeyd edək ki, Kiyevdə Ukrayna hakimiyyəti və müxalifətinin nümayəndələri ilə danışıqları Fransa, Almaniya və Polşa XİN rəhbərləri Loran Fabius, Frank Valter Ştaynmayer və Radoslav Sikorski aparır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
