Bakı. Ülkər Bəkirli – APA. Türkiyənin energetika və təbii ehtiyatlar naziri Taner Yıldız martın 31-də ölkədə baş vermiş elektrik kəsintisi ilə bağlı araşdırmaların nəticələrindən danışıb.
APA-nın Türkiyənin “Sabah” qəzetinə istinadən verdiyi məlumata görə, nazir Türkiyənin enerji şəbəkəsinin Avropanın ikinci ən böyük enerji şəbəkəsi olduğunu deyib: “Türkiyənin enerji paylama sistemi Avropa Birliyi tərəfindən qəbul edilmiş bir sistemdir. Komandamıza güvənirik, belə bir hadisənin təkrarlanmayacağını da söyləmək istərdim”.
T. Yıldız kiber hücum ehtimalını istisna etməyib: “Bir yerdə şifrə və kripto varsa, kiber hücum da mümkündür. Bu sistemin qorunması üçün ayrıca komanda çalışır. Nazirlik bütün ehtimalları şəffaf araşdırır. Üç stansiyanın bir saniyə fərqlə sıradan çıxmasının hücum, yaxud texniki qəza olduğunu demək hələ çox tezdir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
