Hadisə

Ana səhifə

Hadisə

Hüquq müdafiəçiləri 2 saylı Cəzaçəkmə Müəssisəsində monitorinq keçiriblər

16 dekabr 2006 11:50 (UTC +04:00)

Bu gün ədliyyə naziri yanında İctimai Komitənin üzvləri və hüquq müdafiəçiləri 2 saylı Cəzaçəkmə Müəssisəsində monitorinq keçiriblər. Hüquq müdafiəçisi Çingiz Qənizadə APA-ya açıqlamasında bildirib ki, monitorinq zamanı komitəyə daxil olan şikayət araşdırılıb. Eyni zamanda onlara müraciət edən məhkumlarla görüşüb, onları narahat edən problemlərlə maraqlanıblar. Hüquq müdafiəçiləri sanitar hissəyə, yeməkxanaya, cərimə təcridxanasına, görüş otaqlarına baxış keçiriblər. Monitorinqin nəticələrini müsbət qiymətləndirən hüquq müdafiəçisi bildirib ki, məhkumlarla müəssisə əməkdaşları arasında normal münasibətlər yaranıb, həmçinin, məhkumlara verilən yeməyin keyfiyyəti də qənaətbəxşdir. Ç.Qənizadə bildirib ki, məhkumların əsas müraciətləri cəzalarının yarıdan çoxunu çəkdikləri üçün vaxtından əvvəl azad olunmaq istəyi ilə bağlıdır.
Qeyd edək ki, Cəzaçəkmə Müəssisəsində 858 məhkum cəza çəkir. Müəssisənin limiti isə 150 nəfərdir. /APA/