Hadisə

Ana səhifə

Hadisə

Heydər Əliyev adına Azərbaycan Ali Hərbi Məktəbin kursantları ilə mülki şəxslər arasında dava düşüb

10 oktyabr 2007 11:36 (UTC +04:00)

Mübahisənin yaranmasına kursantların yaxınlıqdan keçən qızlara söz atması səbəb olub. Kursantların bu hərəkətinə etiraz edən gənclərlə kursantlar arasında mübahisə yaranıb, daha sonra AAHM-in 40-dək kursantı öz yoldaşlarına kömək etmək üçün həmin yerə gəlib və qarşıdurma böyüyüb. Qarşıdurmanın aradan qaldırılması üçün əraziyə Xətai rayon 34-cü polis bölməsinin əməkdaşları da gəliblər. Qarşıdurma zamanı mülki şəxslərdən, kursantlardan və polis əməkdaşlarından xəsarət alanların olduğu bildirilir. İnsidentin baş verməsində günahkar bilinən şəxslər 34-cü polis bölməsinə aparılıblar.
Xətai rayon Polis İdarəsinin 34-cü polis bölməsindən isə APA-ya bildirilib ki, hazırda bölmədə kursantlardan heç kim saxlanılmır. Faktla bağlı Hərbi Prokurorluqda araşdırma aparılır.
Azərbaycan Müdafiə Nazirliyinin mətbuat xidməti də hadisə ilə bağlı açıqlama yayıb. Mətbuat xidmətindən APA-ya daxil olan açıqlamada mübahisənin anlaşılmazlıq nəticəsində baş verdiyi bildirilir: “Biz bundan çox təəssüflənirik. Hazırda araşdırmalar aparılır. Kursantların günahları təsdiqlənərsə, onların barəsində qanuna müvafiq olaraq ciddi ölçü götürüləcək”. /APA/