Hadisə

Ana səhifə

Hadisə

Yol qəzalarında 3 nəfər ölüb

17 oktyabr 2007 13:13 (UTC +04:00)

Bakı-Aeroport yolunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, Bakıxanov qəsəbə sakini Füzuli Quliyevin idarə etdiyi “KamAZ” və Yeni Suraxanı qəsəbə sakini Şahin Babayevin idarə etdiyi “Mercedes” markalı avtomaşınlar toqquşub. Nəticədə Ş.Babayevin sərnişini, Bakı şəhər sakini Abdulla Ağayev hadisə yerində ölüb, xəsarət almış Ş.Babayev isə xəstəxanaya yerləşdirilib, vəziyyəti ağırdır. Faktla bağlı Suraxanı RPİ-də araşdırma aparılır.
Sumqayıt şəhərinin Z. Hacıyev küçəsində şəhər sakinləri Maarif Əliyevin idarə etdiyi “PAZ” və Gündüz Əliyevin idarə etdiyi “Mercedes” markalı avtomaşınlar toqquşub. Nəticədə xəsarət almış G. Əliyev və sərnişinləri - şəhər sakinləri Hüseyn Abdullayev və Ramil Atamov xəstəxanaya yerləşdirilib. H. Abdullayev və R. Atamova ilkin tibbi yardım göstərildikdən sonra evə buraxılmış, G. Əliyevin vəziyyəti isə orta-ağırdır. Faktla bağlı Sumqayıt ŞPİ-də araşdırma aparılır.
Xanlar rayonunun Alabaşlı kəndində kənd sakini Canpolad Seyidi-Mikiməqsəd idarə etdiyi “VAZ-21011” markalı avtomaşını maneəyə vurub. Nəticədə C. Seyidi-Mikiməqsəd hadisə yerində keçinib. Faktla bağlı Xanlar RPŞ-də araşdırma aparılır.
Gədəbəy rayonunun Slavyanka kəndində Kəlbəcər rayon sakini Əli Mənsimov idarə etdiyi “QAZ-3303” markalı avtomaşını aşırıb. Nəticədə Ə. Mənsimov hadisə yerində dünyasını dəyişib, xəsarət almış sərnişinləri - Samux rayon sakini Zahid Mehdiyev və Gəncə şəhər sakini Asif Orucov xəstəxanaya yerləşdiriliblər. Faktla bağlı Gədəbəy RPŞ-də araşdırma aparılır. /APA/