Hadisə

Ana səhifə

Hadisə

Yol qəzalarında 4 nəfər ölüb

18 oktyabr 2007 13:01 (UTC +04:00)

Yasamal rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, rayondakı İnşaatçılar prospektində Bakı şəhər sakini Niyaz Güləhmədovun idarə etdiyi “Opel” markalı və Vaqif Bəxtiyarovun idarə etdiyi “Mercedes” markalı avtomaşınlar toqquşub. Nəticədə hadisə yerinin yaxınlığında olan Bakı şəhər sakini Vüqar Ağayev ölüb. Faktla bağlı Yasamal RPİ-də araşdırma aparılır.
Abşeron rayonunun Müşfiq qəsəbəsində Bakı şəhər sakini Fərhad Həsənov idarə etdiyi “VAZ-2107” markalı avtomaşınla qəsəbə sakini Aytən Bəşirovanı vurub. Nəticədə xəsarətlə xəstəxanaya yerləşdirilmiş A. Bəşirova orada vəfat edib. Faktla bağlı Abşeron RPŞ-də araşdırma aparılır.
Sumqayıt şəhərindəki R. Qəhrəmanov küçəsində İnşaatçılar qəsəbə sakini Aqil Abbasov idarə etdiyi “VAZ-2106” markalı avtomaşınla şəhər sakini Arzu Bayramovanı vurub. Nəticədə xəsarətlə xəstəxanaya yerləşdirilmiş A. Bayramova orada dünyasını dəyişib. Faktla bağlı Sumqayıt ŞPİ-də araşdırma aparılır.
Balakən rayonunun Qaysa kəndində Meşəşambul kənd sakini Nurəddin Çoxayev idarə etdiyi “Ural” markalı motosikleti aşırıb. Nəticədə N. Çoxayev hadisə yerində ölüb, xəsarət almış sərnişini, Xalatala kənd sakini Şahin Qulbaşov xəstəxanaya yerləşdirilib. Faktla bağlı Balakən RPŞ-də araşdırma aparılır. /APA/