Hadisə

Ana səhifə

Hadisə

Yol qəzalarında 5 nəfər ölüb

24 oktyabr 2007 14:11 (UTC +04:00)

Nəsimi rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, rayonun C.Məmmədquluzadə küçəsində Bakı şəhər sakini Namiq Abbasov idarə etdiyi “BMV” markalı avtomaşınla Zabrat qəsəbə sakini Zülfüqar Vəliyevi vurub. Nəticədə Z. Vəliyev hadisə yerində keçinib, xəsarət almış N. Abbasov isə xəstəxanaya yerləşdirilib. Faktla bağlı Nəsimi RPİ-də araşdırma aparılır.
Abşeron rayonunun 28 May qəsəbəsində “Toyota-Prado” markalı avtomaşınla 4 yaşlı qəsəbə sakini Nigar Yəhyayeva vurulub. Nəticədə N. Yəhyayeva hadisə yerində ölüb. Abşeron RPŞ əməkdaşlarının keçirdiyi əməliyyat-axtarış tədbirləri nəticəsində qəzanı törədərək hadisə yerindən qaçmış sürücü, Müşfiq qəsəbə sakini Samir Qəhrəmanov saxlanılıb. Faktla bağlı Abşeron RPŞ-də araşdırma aparılır.
Abşeron rayonunun Təzəkənd kəndində Şamaxı rayon sakini Mövlud Ağayevin idarə etdiyi “Tatra” və Yevlax rayon sakini İlham Orucovun idarə etdiyi “VAZ-2109” markalı avtomaşınlar toqquşub. Nəticədə İ. Orucov hadisə yerində dünyasını dəyişib. Faktla bağlı Abşeron RPŞ-də araşdırma aparılır.
Mingəçevir şəhərinin Naxçıvan küçəsində şəhər sakinləri Anar Məmmədovun idarə etdiyi “Mazda” və Etibar Rəsulovun idarə etdiyi “QAZel” markalı avtomaşınlar toqquşub. Nəticədə xəsarət almış A. Məmmədov və onun sərnişini, 3 yaşlı Ağamir Məmmədov xəstəxanaya yerləşdirilib. Ağamir orada vəfat edib. Faktla bağlı Mingəçevir ŞPŞ-də araşdırma aparılır.
Xaçmaz rayonunda rayon sakini Cəbrayıl Paşayev idarə etdiyi “QAZ-31” markalı avtomaşını yolun kənarındakı hasara vurub. Nəticədə C. Paşayev hadisə yerində ölüb. Faktla bağlı Xaçmaz RPŞ-də araşdırma aparılır. /APA/