Goranboyda zəhərlənmə faktı qeydə alınıb.
APA-nın yerli bürosunun məlumatına görə, hadisə rayonun Qaradağlı kəndində baş verib. Kənd sakini 1995-ci il təvəllüdlü Y. İbrahimov zəhərlənmə diaqnozu ilə xəstəxanaya yerləşdirilib. 30 yaşlı kişiyə yardım edilsə də, onu xilas etmək mümkün olmayıb.
Məlumata görə Y. İbrahimov mal-qaranın dezinfeksiyasında istifadə olunan "Niasitol" adlı kimyəvi maddədən zəhərlənib. Azyaşlı "Niasitolu" pivə bakalına töküb, Y. İbrahimov isə bilməndən onu içib.
Faktla bağlı araşdırma aparılır.
TƏBİB-dən APA-ya verilən məlumata görə, iyunun 12-də saat 01:00 radələrində 1995-ci il təvəllüdlü (kişi cinsli) şəxs zəhərlənmə şübhəsi ilə Goranboy Rayon Mərkəzi Xəstəxanasına hospitalizasiya olunub. Ona digər dəqiqləşdirilməmiş dərman zəhərlənməsi diaqnozu təyin edilib. Göstərilən tibbi yardımlara və həkimlərin çoxsaylı səylərinə baxmayaraq saat 01:04-də radələrində pasiyentin ölüm faktı qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
