İKT

Bakıda keçirilən və üç gün davam edən “Huawei Tech Carnival and Partner Summit 2024”də Huawei İnnovativ Məlumat İnfrastruktur Forumu da keçirilib. “Məlumat inqilabı: Qabaqcıl Süni İntellektə əsaslanan hazır məlumat infrastrukturunun yaradılması” mövzusunda keçirilən forumda məlumatların və süni intellektin gələcəyi ilə bağlı fikirlər irəli sürüldü.

Sammiti açıq elan edən “Huawei” şirkətinin Yaxın Şərq və Mərkəzi Asiya üzrə Korporativ Biznes prezidenti Derek Hao sənayelər arasında rəqəmsal inkişafa təkan verən innovativ ağıllı infrastruktur həlləri istiqamətində işlərin görüldüyünü vurğulayıb. “Huawei Yaxın Şərq və Mərkəzi Asiyada rəqəmsallaşmaya təkan verən etibarlı texnologiya tərəfdaşınız olmağa çalışır. Süni intellekt indi dünyanı formalaşdırır, iqtisadi artımı və sənayelər arasında ağıllı transformasiyanı sürətləndirir”, - deyə Hao bildirib.

Açılış nitqi ilə Huawei Yaxın Şərq və Mərkəzi Asiya üzrə Korporativ Biznes prezidenti Derek Hao çıxış edir

Daha sonra Azərbaycan Respublikası Elm və Təhsil Nazirliyi yanında Təhsil üzrə İKT Bürosunun rəhbəri Vüsal Xanlarov Huawei şirkətinə göstərdikləri fədakarlığa və Azərbaycanı bu mühüm tədbirə ev sahibliyi etmək üçün seçdiyinə görə minnətdarlığını ifadə edərək öz çıxışına başladı. Texnologiyanın təhsil ekosistemindəki üstünlüklərini vurğulayaraq qeyd etdi ki, “Biz gənclərimiz üçün daha parlaq bir gələcək formalaşdırmaq və təhsil sahəsindəki innovasiyalarda lider olmaq üçün texnologiyadan istifadə etməyə çalışırıq. Güclü İKT infrastrukturu və süni intellekt sayəsində biz yeni dövrdə tələbələrin uğur qazanmasına imkan yaradan dinamik öyrənmə mühitləri yarada biləcəyik.

Elm və Təhsil Nazirliyi yanında Təhsil üzrə İKT Bürosunun rəhbəri Vüsal Xanlarovun auditoriya qarşısında çıxışı

O, daha sonra qeyd edib ki, güclü İKT infrastrukturu, süni intellekt sahəsindəki irəliləyişlər və etibarlı məlumat həlləri ilə onlar Azərbaycan gənclərinin firavan gələcəyi üçün zəmin yaradacaq, onlara bilik, təcrübə və gələcək dövrdə tərəqqi üçün zəmanət verəcək.

O, Bakıda bu əlamətdar tədbiri təşkil etdiyinə və müxtəlif maraqlı tərəflər və tərəfdaşlarla onların tələbləri üzrə müzakirələrin aparılmasına şərait yaratdığına görə tərəfdaşı Huawei şirkətinə minnətdarlığını bildirib.

Daha sonra Özbəkistanın D-Hökumət Layihələrin İdarə Edilməsi Mərkəzinin direktor müavini Muxitdinov Zikrulla “All-Flash” məlumat infrastrukturundan istifadə edərək dövlət xidmətlərində innovasiyaların sürətləndirilməsi mövzusuna toxundu. O, Huawei məlumat saxlama infrastrukturunun hökumət əməliyyatlarını necə təkmilləşdirdiyini, məsələlərə daha sürətli müdaxilə edilməsi və xidmətlərin təkmilləşdirilməsinə səbəb olduğunu bildirdi. Bu yenilik prosedurları sadələşdirir, çevik idarəetməni təşviq edir və planlaşdırma, kibertəhlükəsizlik və kadr hazırlığının əhəmiyyətini vurğulayır.

Muxitdinov Zikrulla, Özbəkistanın D-Hökumət Layihələrin İdarə Edilməsi Mərkəzinin direktor müavini, “All-Flash” məlumat infrastrukturundan istifadə edərək dövlət xidmətlərində innovasiyaların sürətləndirilməsi mövzusuna çıxışı

Bu mühüm mövzudan sonra “Huawei” şirkətinin vitse-prezidenti və “Huawei Data Storage Product Line”ın prezidenti Dr. Peter Zhou “Məlumat İnqilabı Dövründə Məlumat Saxlanılması Qaydalarının Yenidən Müəyyənləşdirilməsi” mövzusunda çıxışı ilə dinləyicilərin diqqətini cəlb etdi. Dr. Zhou bildirdi ki, məlumatların saxlanması gələcəyinin ultra-performans, məlumat davamlılığı, yeni məlumat paradiqması, miqyaslılıq, dayanıqlıq və məlumat quruluşu da daxil olmaqla bir çox imkanlar tərəfindən dəstəklənəcəkdir. “Məlumat inqilabı dövründə Huawei məlumatların saxlanmasına yanaşmanı yenidən müəyyənləşdirir və müştərilərə qabaqcıl süni intellektə əsaslanan hazır məlumat infrastrukturunu yaratmağa kömək edən yeni nəsil yaddaş “OceanStor A800”ü təqdim edir.”

“Huawei” şirkətinin vitse-prezidenti və “Huawei Data Storage Product Line”ın prezidenti Dr. Peter Zhou çıxış edir

Tədbirin ikinci hissəsi olan Huawei Qlobal Optik Sammitində F5G sənayesində üç əsas tendensiya nəzərdən keçirilib: “Fiber-in, Copper-Out”, “fgOTN-in, SDH-out”, və “Optical-Sensing-in, Hard-Work-Out”. Bundan əlavə, sammitdə ən son FTTO 2.0 həlləri, fgOTN E6600 seriyası və ağıllı sənayenin əsasını təşkil edən üçüncü nəsil DCI cihazı olan DC908 Pro nümayiş etdirildi. Bu təkliflərin əsas məqsədi Yaxın Şərq və Mərkəzi Asiyada sənayelərdə rəqəmsal transformasiyanı sürətləndirməkdir.

Bakıda keçirilən “Huawei Tech Carnival and Partner Summit 2024”ün ikinci günü iştirakçıların marağını cəlb edən təqdimatlar, müzakirələr və interaktiv sessiyalarla canlı fikir mübadiləsinə çevrildi. Süni intellekt layihələrinin səmərəli şəkildə həyata keçirilməsi üçün mühüm əhəmiyyət kəsb edən məlumat infrastrukturunun yaradılması üzrə ən qabaqcıl təcrübələr barədə bəhs edən ekspertlər öz dəyərli təcrübələrini və strategiyalarını bölüşdülər, auditoriyanı məlumatların idarə edilməsinə yeni perspektivlər və yanaşmalarla tanış etdilər.

Günün əsas hadisələrindən biri təcrübə mübadiləsini və işgüzar əlaqələrin qurulmasını təşviq edən dinamik platformanın yaradılması idi. İştirakçılar məlumat infrastrukturu və süni intellektin inkişafı sahəsində əməkdaşlıq və tərəfdaşlıq imkanlarını araşdıraraq dialoqlarda fəal iştirak etdilər. Bu əməkdaşlıq mühiti sənayenin inkişafı üçün perspektiv təmin edərək, yeni ideyaların və strategiyaların meydana çıxmasına təkan verdi.

1987-ci ildə əsası qoyulan Huawei, informasiya və kommunikasiya texnologiyaları (İKT) infrastrukturu və ağıllı cihazların aparıcı qlobal təchizatçısına çevrildi. 207 000-dən çox işçisi olan şirkət 170-dən çox ölkə və regionda nüfuzlu nümayəndəlik yaratmış, dünya üzrə 3 milyarddan çox insanın ehtiyaclarını qarşılamışdır.