Moskva. Fərid Əkbərov – APA. Azərbaycanın Rusiyadakı səfirliyi Moskva vilayətinin Zelenoqrad şəhərində 14 yaşlı azərbaycanlı yeniyetməni döyən şəxsin saxlanılması barədə məlumat yayıb. APA-nın Moskva müxbirinin verdiyi məlumata görə, məlumatda deyilir:
“Geniş ictimai əks-sədanı nəzərə alaraq, səfirlik 1 noyabr 2013-cü il tarixində Zelenoqrad şəhərində 14 yaşlı azərbaycanlı əlil oğlanı Kazımov Rövşən Müzəffər oğlunun qəddarcasına döyülməsi məsələsinin araşdırılmasını nəzarət altında saxlayır. Hal-hazırda bədən xəsarətlərinin yetirilməsi işi üzrə şübhəli bilinən 1993-cü il təvəllüdlü Zelenoqrad şəhərinin sakini Lısakov Mixail Valeryeviç RF Cinayət Məcəlləsinin 116.2 hissəsi ilə saxlanılıb.
İstintaq və cinayət işinə məhkəmə instansiyalarında baxılması zamanı Rövşən Kazımovun hüquqlarının müdafiə edilməsi məqsədilə səfirlik tərəfindən vəkil tutulub. Yeniyetmə əlilin döyülməsi haqqında bu iş gələcəkdə də səfirlik tərəfindən nəzarət altında saxlanılacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
