Bakı-APA. Gürcüstanın keçmiş müdafiə naziri David Kezeraşvili barəsində beynəlxalq axtarış elan olunacaq. APA-nın “Qruziya-Onlayn”a istinadən verdiyi məlumata görə, bu barədə fevralın 5-də Gürcüstanın baş prokuroru Arçil Kbilaşvili bəyan edib.
“Kezeraşvili barəsində ittiham irəli sürülüb, ilkin qəti-imkan tədbiri seçilib və, əlbəttə ki, onun haqqında axtarış elan olunacaq”, deyə Kbilaşvili qeyd edib.
Gürcüstanın baş prokurorunun sözlərinə görə, onun hal-hazırda olduğu yer barədə müxtəlif məlumatlar var, lakin bu daxili işlər nazirliyinin səlahiyyətlərinə aid məsələdir.