Bakı. Mübariz Aslanov – APA. Ukraynada 3 aya yaxındır girov götürülmüş azərbaycanlı iş adamı azad olunub.
APA-nın əldə etdiyi məlumata görə, bu şəxs Gürcüstanda doğulmuş Sədiyar adlı Azərbaycan vətəndaşıdır.
Uzun müddətdir Ukraynada biznes fəaliyyəti ilə məşğul olan iş adamı Kiyevdə gündüz saatlarında ailəsi ilə restorana girərkən maskalı şəxslər tərəfindən qaçırılıb. Onun hansı yolla azad olunduğu təhlükəsizliyi baxımından açıqlanmır.
Azərbaycanın Ukraynadakı səfirliyindən isə istər bu hadisə, istərsə də son günlər bu ölkədə hücuma məruz qalan azərbaycanlı iş adamları ilə bağlı məlumat almaq mümkün olmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
