Azərbaycanın Litvadakı səfiri bu ölkənin kənd təsərrüfatı naziri ilə görüşüb – FOTO
17 aprel 2012 14:49 (UTC +04:00)
Bakı – APA. Azərbaycanın Litvadakı səfiri Həsən Məmmədzadə Litva kənd təsərrüfatı naziri Kazis Starkyaviçyus ilə görüşüb. Səfirlikdən APA-ya verilən xəbərə görə, görüşdə Azərbaycan və Litva arasında ikitərəfli münasibətlər, xüsusən də kənd təsərrüfatı sahəsində mövcud əlaqələr və əməkdaşlığın perspektivləri müzakirə olunub. Litva ilə bir çox sahələrdə, o cümlədən kənd təsərrüfatı sahəsində əməkdaşlığı gücləndirməyə önəm verdiklərini vurğulayan H. Məmmədzadə aqrar sektorda fəaliyyət göstərən qurumlar arasında birbaşa əlaqələrin yaradılması, qarşılıqlı səfərlərin təşkilinin vacibliyini vurğulayıb. Səfir ölkələr arasında kənd təsərrüfatı sahəsində müqavilə-hüquq bazasının genişləndirilməsi üçün müvafiq işlərin aparıldığını bildirib. O deyib ki, K. Starkyaviçyusun Azərbaycana səfəri iki ölkə arasında mövcud əlaqələrin daha da inkişafına xidmət edəcək.
Nazir 18-20 aprel tarixlərində Bakıda keçiriləcək BMT-nin Ərzaq və Kənd Təsərrüfatı Təşkilatının Avropa üzrə 28-ci regional konfransında məmnuniyyətlə iştirak edəcəyini və azərbaycanlı həmkarı ilə qarşılıqlı maraq doğuran məsələlərin müzakirəsi üçün fürsət əldə edəcəyini söyləyib.
Nazir 18-20 aprel tarixlərində Bakıda keçiriləcək BMT-nin Ərzaq və Kənd Təsərrüfatı Təşkilatının Avropa üzrə 28-ci regional konfransında məmnuniyyətlə iştirak edəcəyini və azərbaycanlı həmkarı ilə qarşılıqlı maraq doğuran məsələlərin müzakirəsi üçün fürsət əldə edəcəyini söyləyib.
Xarici siyasət
Britaniya səfiri Naxçıvana səfər edib - FOTO
12:52
28 aprel 2024
Hikmət Hacıyev: “Azərbaycanın mülki əhalisi demək olar ki, hər gün milyonlarla mina ilə üzləşir”
21:00
27 aprel 2024
ABŞ Səfirliyi ANAMA əməkdaşının minaya düşməsinə münasibət bildirib
17:44
27 aprel 2024
Sahibə Qafarova COP29-a dəvət məktubunu Monteneqro Prezidentinə təqdim edib
11:54
27 aprel 2024