Sənaye və energetika

Ana səhifə

Azərbaycanın mədənçıxarma bölməsində istehsal 5% azalıb

29 iyun 2012 10:58 (UTC +04:00)

Bakı. Nicat Mustafayev – APA-Economics. Bu ilin yanvar-may ayları ərzində Azərbaycanın mədənçıxarma bölməsində istehsalın həcmi 11,6 mlrd. manat olmaqla ötən ilin müvafiq dövrünün səviyyəsindən 5,4% aşağı olub.

Dövlət Statistika Komitəsindən «APA-Economics»ə verilən məlumata görə, sahənin əsas məhsulu olan xam neft hasilatı 18,5 mln. ton, əmtəəlik təbii qaz hasilatı isə 7,4 mlrd. kubmetr təşkil edib. Qaz hasilatı 8,5% artıb, neft hasilatı isə 6,9% azalıb.

«Mədənçıxarma bölməsində fəaliyyət göstərən sahibkarlar tərəfindən yanvar-may aylarında 12,6 min ton bentonit, 164,4 min ton tikinti qumu, 130,9 min ton inşaat üçün əhəng daşı, 515,8 kq qızıl, 341,6 kq gümüş və s. istehsal edilib», - deyə Komitədən bildirilib.