Moskva. Fərid Əkbərov - APA. "Britaniya hərbi kontingentinin Baltikyanı ölkələrə yerləşdirilməsi saxta bəhanə ilə həyata keçirilir. Bu, Rusiya tərəfindən cavabsız qalmayacaq".
APA-nın Moskva müxbirinin verdiyi məlumata görə, belə bir bəyanatla Rusiya prezidentinin mətbuat katibi Dmitri Peskov çıxış edib.
"Rusiyanın yaratdığı təhlükə iddiası NATO-nun sərhədlərimizə doğru ekspansiyasını ört-basdır edən kamuflyajdır", - deyə o bildirib.