Dünyaca məşhur məktəblər şəbəkəsi “SABİS Sun” Azərbaycanda fəaliyyətə başlayır - FOTOSESSİYA

Dünyaca məşhur məktəblər şəbəkəsi “SABİS Sun” Azərbaycanda fəaliyyətə başlayır - <span style="color: red;">FOTOSESSİYA
# 08 aprel 2015 16:14 (UTC +04:00)

Bakı. Musa Əhmədov – APA-Economics. Dünyanın 18 ölkəsində 60 məktəb ilə xidmət göstərən “SABİS” beynəlxalq məktəblər şəbəkəsi sentyabr ayından etibarən Bakıda fəaliyyətə başlayacaq.

APA-Economics”in məlumatına görə, hazırlıq işlərinin gedişi ilə bağlı “SABİS” beynəlxalq məktəblər şəbəkəsinin Müşahidə Şurasının sədri Leyla Saad və prezidenti Karl Bistani Azərbaycana səfər ediblər. Bu münasibətlə “Xəyal Adası”nda KİV nümayəndələri ilə görüş keçirilib. Azərbaycanda məktəblər şəbəkəsinin fəaliyyətə başlaması üçün dəstək olan “Azərsun Holdinq”in Müşahidə Şurasının sədri Abdolbari Goozal tədbir zamanı “Xəyal Adası” layihəsi barədə jurnalistlərə geniş məlumat verib və “SABİS Sun” beynəlxalq məktəblər şəbəkəsinin ümumilikdə Azərbaycan təhsilinin inkişafına mühüm töhfə verəcəyini söyləyib.

Tədbirdə “SABİS” beynəlxalq məktəblər şəbəkəsinin prezidenti Karl Bistani isə jurnalistlər üçün təqdimat keçirərək adıçəkilən təhsil müəssisəsi barədə geniş məlumat verib və onların suallarını cavablandırıb. Bundan sonra jurnalistləri ərazi ilə daha yaxından tanış etmək üçün tur təşkil edilib.

Qeyd edək ki, beynəlxalq standartlara tam cavab verəcək bu məktəb kompleksində təhsil ingilis dilində aparılacaq. Bundan əlavə, şagirdlərə Təhsil Nazirliyinin tələblərinə uyğun olaraq Azərbaycan dili və yerli əhəmiyyətli digər fənlər də tədris ediləcək. Həmçinin, şagirdlərə Azərbaycan və ingilis dilindən əlavə fransız və ya rus dilini öyrənmək imkanı da yaradılacaq.

“Azərsun Holdinq”ə məxsus “Xəyal Adası”nda fəaliyyətə başlayacaq “SABİS SUN” beynəlxalq məktəb kompleksi müstəqil təhsil müəssisəsidir. Buranın daha bir özəlliyi isə öz düşərgəsinin olmasıdır. Təhsil ocağında müxtəlif fənlərin tədrisindən əlavə idman məşğələlərinə də böyük diqqət ayrılacaq. Belə ki, burada təhsil alanlar üçün xüsusi idman kompleksinin inşası nəzərdə tutulub. “SABIS” beynəlxalq məktəblərində şagirdlərin intellektual səviyyələrinin yüksəldilməsi üçün həftə sonu tədbirləri, yay məktəbləri və digər tədbirlər həyata keçiriləcək.

Qeyd edək ki, “SABİS” beynəlxalq məktəblər şəbəkəsinə şagird qəbuluna artıq başlanılıb.

#
#

ƏMƏLİYYAT İCRA OLUNUR